செய்தி தெரியுமா!?!?!??!?

உலகையே இன்று திரும்பிப் பார்க்க வைத்துள்ள விஷயம் ஆப்கானிஸ்தானில் பெரும் கனிமத் தாதுக்கள் கண்டுபிடிக்கப்பட்டுள்ளதுதான். அமெரிக்காவின் முயற்சியால் கண்டறியப்பட்டுள்ள இதன் மதிப்பு மட்டும் 1 ட்ரில்லியன் டாலர்கள் என முதல் நிலைத் தகவல்கள் கூறுகின்றன. முழுமையான விவரங்கள் வந்தால் அதன் மதிப்பு இன்னும் அதிகமாக இருக்கும் என நம்பப்படுகிறது.

போரால் பாதிக்கப்பட்ட ஆப்கானிஸ்தானின் பொருளாதாரத்தை நிமிர்த்தும் பெரும் புதையல் இது என்கிறார்கள் சர்வதேச பார்வையாளர்கள்.

இரும்பு, தாமிரம், தங்கம், கோபால்ட் மற்றும் லித்தியம் போன்ற கனிமங்களின் தாதுக்கள் கற்பனை செய்ய முடியாத அளவுக்கு ஆப்கானிஸ்தானில் இருப்பதை முதலில் 'ஸ்மெல் பண்ணவர்கள்' அமெரிக்காவின் பாதுகாப்புத்துறையான பெண்டகன் தான்.

இந்தக் கனிமங்கள் தவிர, தொழில்துறையின் அடிப்படையை உருவாக்கத் தேவையான அத்தனை தாதுக்களையும் பேரளவில் கண்டுபிடித்துள்ளனர்.
(மக்களே... இப்போ புரியுதா இந்த போர் எதுக்குன்னு... அமெரிக்கா எது பண்ணாலும் அதுல ஒரு உள்குத்து இருகுமப்பா )

இப்படியொரு தாதுப் படுகை, பெரும் பொக்கிஷம் தங்கள் நாட்டில் இருப்பதே தெரியாமல் போரிலும் மதத் தீவிரவாதத்திலும் காலத்தைக் கழித்து வந்துள்ளனர் ஆப்கன் ஆட்சியாளர்கள். இப்போதும் கூட தாதுப் புதையலின் ஒரு பகுதிதான் ஆப்கன் அரசுக்கு சொல்லப்பட்டுள்ளது. மீதி விவரங்களை அமெரிக்கா ரகசியமாக வைத்துள்ளது.

ஒரு 20 ஆண்டுகளுக்கு முன்பு இந்தப் படுகை கண்டுபிடிக்கப்பட்டிருந்தால் கூட ஆப்கன் பொருளாதாரமும், மக்களின் வாழ்க்கைத் தரமும் எங்கேயோ போய்விட்டிருக்கும்.

'இப்போதும் ஒன்றும் கெட்டுப் போகவில்லை. உலகின் மிகப் பெரிய சுரங்க மையமாக இனி ஆப்கானிஸ்தான் திகழும்' என்கிறார் ஒரு அதிகாரி. லித்தியம் கனிமத்துக்கு ஒட்டுமொத்த இருப்பிடமாகத் திகழும் அளவுக்கு ஆப்கானிஸ்தானி்ல் இருப்பு காணப்படுகிறதாம்.

இப்போது லித்தியம் உற்பத்தியில் சவுதி அரேபியா முதலிடத்தில் உள்ளது. அதை ஜஸ்ட் லைக் தட் ஓவர்டேக் செய்துவிடும் ஆப்கானிஸ்தான் என்கிறார்கள்.

ஆனால் இந்த கனிமங்களை தோண்டி எடுக்க பெரும் முதலீடு அவசியமாக உள்ளது. தேவையான முதலீடு கிடைத்தால், அடுத்த சில வருடங்களிலேயே ஆப்கன் நாடு உலகின் மிகச் சக்தி வாய்ந்ததாக மாறிவிடும் அதிசயத்தைப் பார்க்கத்தான் போகிறீர்கள் என்கிறது அமெரிக்கா.

ஆப்கானிஸ்தானில் உள்ள அமெரிக்க மத்திய பாதுகாப்பு கமாண்டர் ஜெனரல் டேவிட் எச் பெட்ரோஸ் இதுகுறித்து கூறுகையில்,

"ஆப்கானிஸ்தானில் இப்போது கண்டறிந்துள்ள தாதுக்களின் அளவு, வெரைட்டி, தரம் என்னை ஸ்தம்பிக்கச் செய்துள்ளது. ஆனால் இதைத் தோண்டி எடுப்பது, பயன்படுத்துவதில் உள்ள நடைமுறை சிக்கல்கள் புரியாமலில்லை. ஆனால் இப்போது கண்டுபிடிக்கப்பட்டுள்ள பொக்கிஷம் பெரிய விஷயம்.

மாபெரும் தொழிற்சாலைகள் அமைந்து, ஏராளமான வேலைவாய்ப்புகள் உருவாகும் தருணம் நெருங்கிவிட்டதால், ஆப்கானிஸ்தான் பற்றிய இமேஜே சட்டென்று மாறும் என்றார்.

இந்த கனிமப் புதையலில் மதிப்பு என்ன?:

அதைத் தெரிந்து கொள்ளும் முன், ஆப்கானிஸ்தானின் மொத்த வருவாய் எவ்வளவு என்று பார்க்கலாம்.

இந்த நாட்டின் பொருளாதாரம் பெருமளவு சார்ந்திருப்பது... விவசாயத்தையோ, தொழிற்சாலைகளையோ அல்ல. ஓப்பியம் மற்றும் அபின் தயாரிப்பை!

சர்வதேச அளஷவில் கொடிய போதைப் பொருள்கள் அனைத்துக்கும் தாயகமாகத் திகழ்கிறது ஆப்கானிஸ்தான். மேற்கு ஆசியாவின் போதை மருந்து முக்கோணத்தின் மையப் பகுதி ஆப்கானிஸ்தான். இன்று நேற்றல்ல...பண்டைய காலத்திலிருந்தே ஓப்பியம் தயாரிப்பது ஆப்கானிஸ்தானில் குடிசைத் தொழில் மாதிரி.

இதற்கடுத்த வருவாய் ஆதாரம், முன்பு ரஷ்ய உதவி. இப்போது அமெரிக்கா தரும் நிதியுதவி.

இப்படி சகல வழிகளிலும் ஆப்கானிஸ்தானின் மொத்த வருவாய் அளவே 12 பில்லியன்கள்தான்! அதாவது இந்த 12 பில்லியன் டாலர்தான் ஆப்கானிஸ்தானின் ஜிடிபி (gross domestic production!). ஒரு சர்வதேச நடுத்தர ஐ.டி. நிறுவனத்தின் லாபத்தின் அளவும் இதுதான்.

ஆனால், கண்டுபிடிக்கப்பட்டுள்ள கனிமத்தின் மதிப்பு 1 ட்ரில்லியன் டாலரைத் தாண்டும் என்கிறது ஆரம்பகட்ட கணக்கு. பில்லியன் கணக்கில் சொன்னால் 1000 பில்லியன் டாலர்கள். இன்றைய தேதிக்கு இந்தியாவின் ஜிடிபியே 1.23 ட்ரில்லியன்தான்!!.

இவ்வளவு பெரிய புதையலை எப்படிப் பயன்படுத்தப் போகிறது ஆப்கானிஸ்தான் என்பதுதான் இப்போது எழுந்துள்ள 'பில்லியன் டாலர் கேள்வி'!. அல்லது இதை அமெரிக்கா எப்படி மறைமுகமாக சுருட்டப் போகிறது என்பது தான் 'ட்ரில்லியன் டாலர் கேள்வி!'.

ஆப்கானிஸ்தானில் இன்னமும் அமைதி திரும்பவில்லை. மீண்டும் தலிபான்கள் தலைதூக்கும் நிலை. நாட்டின் ஒரு பகுதியில் இன்னும் தலிபான்களின் ஆதிக்கம் உள்ளது. இன்னொரு பக்கம் லஞ்சமும் நிர்வாகச் சீர்கேடும் ஆப்கானிஸ்தானையே விழுங்கிவிடும் சூழல் உள்ளது.

இந்த கனிமத் தாதின் ஒரு சிறு பகுதியை வெற்றிகரமாக வெளியில் எடுத்துப் பயன்படுத்தினாலே, நாடு பெருமளவு நிமிர்ந்துவிட வாய்ப்புள்ள நிலையில், இயற்கை அளித்துள்ள இந்த நற்கொடையை எப்படி பயன்படுத்திக் கொள்ளப் போகிறார்களோ? என கவலை தெரிவித்துள்ளனர் பொருளியலறிஞர்கள்.

இந்த தாது விஷயத்தில் அமெரிக்கா எப்படியெல்லாம் ஆப்கானிஸ்தானில் விளையாடப் போகிறது என்பதும் முக்கியமான கேள்வியாக நிற்கிறது.

ஆனால் இந்த விஷயத்தில் அமெரிக்காவும் பயப்படும் சமாச்சாரம் ஒன்று அங்கே நிகழ்ந்து வருகிறது. அதுதான் சீனாவின் எதிர்பாராத தலையீடு. இந்த இயற்கைத் தாது புதையல் விஷயத்தில் உதவிக்கு வருகிறோம் என வரிந்து கொண்டு சீனா நுழைய ஆரம்பித்துவிட்டதை அச்சத்துடனே பார்க்கின்றனர் அமெரிக்க அதிகாரிகள்.

ஆப்கானிஸ்தானில் தாமிர தாது தோண்டியெடுக்கும் முழு உரிமையையும் சீனாவுக்கு தாரைவார்க்க ஆப்கன் அமைச்சர் ஒருவரே 30 மில்லியன் டாலர்கள் லஞ்சம் பெற்றுள்ளார். இன்னும் அவர் அமைச்சராகவே தொடர்வதும் அதை அதிபர் அமீத் கர்ஸாய் அனுமதிப்பதும், அமெரிக்கர்கள் பயத்தை அதிகரித்துள்ளது.

ஆனால், பெரும்பகுதி கனிமங்களை கண்டுபிடித்ததே அமெரிக்காதான் என்பதால் முன்னுரிமை அவர்களுக்கே தரப்படும் என்ற நம்பிக்கையுடன் உள்ளனர்.

அமெரிக்காவும் சீனாவும் இந்த கனிமங்கள் மீது ஆசைப் பார்வை பார்ப்பதைப் பார்த்தால், 'தேனெடுத்தவன் புறங்கையை நக்கிய கதையாகுமா அல்லது தேனையே எடுத்துக் கொண்டு வெறும் புறங்கையை மட்டும் ஆப்கன் மக்களுக்கு காட்டப் போகிறார்களா என்பது தெரியவில்லை.

கடந்த ஓரிரு வாரங்களில் தான் இந்த ஆப்கான் கனிம சமாச்சாரத்தை வெளியில் கசிய விட்டுள்ளது அமெரிக்கா.

'Unobtanium' என்ற கற்பனையான கனிமத்தை எடுக்க பண்டோரா கிரகத்தையே அமெரிக்கப் படைகள் ஆக்கிரமித்து, அதன் மக்களை ஒழித்துக் கட்டும் கற்பனைக் கதையைத் தான் 'அவ்தார்' என்ற படமாக எடுத்தார் ஜேம்ஸ் கேமரூன். 3 டி சமாச்சாரம், அன்னிய கிரகவாசிகள் என்று கதை போனதால் கேமரூன் சொல்ல வந்த விஷயம் (கதையின் கரு ) பெரிதாகப் பேசப்படவில்லை.

இப்போது ஆப்கானிஸ்தானில் கண்டுபிடிக்கப்பட்டுள்ள கனிம வளம் கிட்டத்தட்ட பண்டோரா கிரக கதை மாதிரி ஆகிவிடுமோ என்ற அச்சம் இப்போதே பரவ ஆரம்பித்துவிட்டது.

REEL = REAL

Courtesy: தட்ஸ்தமிழ்

GOOOOOOOOOOOOOOOOOGLE

ஹலோ... சொந்த கார பங்காளிங்களா.... ரொம்ப நாளா கடை திறக்கவே இல்ல.... எல்லோரும் நலமா இருப்பீங்கன்னு நம்பறேன்.... பெருசா வேலைய ஒன்னும் வெட்டி முறிக்கல.... இருந்தும் சோம்பேறித்தனம் தான் வேற ஒன்னும் இல்ல....

எது எப்டியோ... உங்க பதிவுகள் அனைத்தும் ஒன்னு விடாம படிச்சுட்டு இருக்கேன்... ரொம்ப சிறப்பா தொடர்ந்துட்டு இருக்கீங்க.... சரி நம்ம மேட்டருக்கு வருவோம்....

புதுசா எதுவும் சொல்ல போறதில்ல.... இருந்தும் வந்ததுக்காக ஏதாது சொல்லிட்டு போனுமே அதான்...

எல்லாம் தெரிஞ்ச மேதாவி கேள்வி பட்டுருப்பீங்க..... யாரவது ஓவரா டகுல்பாசு வேலை காமிச்சா அவங்கள இப்புடி தான் சொல்வோம்.... ஆனா இந்த பட்டம் நம்ம கூகுளுக்கு தான் சரியா பொருந்தும்னு நினைக்கிறேன்.... இப்போலாம் யாருக்காவது ஏதாவது தெரிலனா போதும் ஒடனே கூக்ளிங் தான்.... சரி நாம தான் அப்டி இருக்கோம்னா எங்க வீட்டு வாண்டுங்க கூட ரைம்ஸ் தேடுறதுக்கு கூகுல் தான் முதல்ல ஓபன் பண்ணுறாங்க.... இப்போ தான் அஞ்சு வயசு.... ஆனா கேம்ஸ், ரைம்சுனு கூக்ளிங் விளாட்ட ஆரம்பிச்சுருச்சுங்க.....

இப்புடி எதுக்கெடுத்தாலும் கூகுளின் உதவியை நாடும் நாம.... பெரும்பாலும் கூகுல் உபயோகிப்பது வெறும் வெப் பேஜஸ் தேடுவதற்கு தான்.... ஆனால் கூகுளில் இன்னும் பல அறிய பயன்பாடுகள் புதைந்து கிடப்பதை சமீபத்திலே தான் கண்டேன்... அவற்றுள் சில....

மண்டைய உடைச்சுகிட்டு நின்னு கணக்கு வாத்தி கிட்ட மண்டைல நாலு குட்டு வாங்கி போட்ட கணக்கு பார்முலா முதல்... எப்பேர்பட்ட சிக்கலான கணக்குகளுக்கும் போர்முலாவுக்கும் உடனடி விடை.... மேலும் உங்களின் விமானம் குறித்த நேரத்தில் புறப்படுமா (On Schedule) என்பது உங்கள் விமான எண்ணை வைத்து தெரிந்து கொள்ளலாம்... அதுமட்டுமில்லாது அவற்றின் arrival நேரமும் தெரிந்து கொள்ளலாம்....

இது தவிர வெளிநாடுகளில் இருக்கும் நீங்கள் அன்றைய தேதியின் நம் நாட்டின் கரன்சி ரேட்டை உதாரணத்துக்கு நீங்கள் ஊருக்கு அனுப்ப விருக்கும் தொகை 50o ரியலாக இருந்தால் நம் நாட்டு பணத்தின் மொத்த மதிப்பை நொடியில் அறியலாம்... இது மட்டுமல்லாது..... கிலோ மீட்டரிலிருந்து மைலுக்கும்.... மீட்டரை சென்ட்டி மீட்டராக மாற்றவும் இதை உபயோகிக்கலாம்.....

மேல் சொன்ன அனைத்து பயன்பாடுகளும் உங்களில் பலருக்கோ அல்லது சிலருக்கோ இதற்கு முன்னரே தெரிந்திருக்கக்கூடும்.... இருந்தும் இதை எப்படி உபயோகிப்பது என்று சமீபத்தில் அறிந்து கொண்ட என்னை போன்றவர்களுக்கு இது பயனுள்ளதாக இருக்கக்கூடும்... சரி கீழே உள்ள வீடியோ செய்முறை விளக்கம் மூலம் உபயோகிக்கும் முறையை தெரிந்து கொள்ளுங்கள்....







இறைவனின் வரப்பிரசாதங்களில் இதுவும் ஒன்று.... கூகுளை உலகிற்கு முதலில் தந்த மகத்தான மனிதர்களான Sergey M. Brin , Lawrence E. Page இவர்களுக்கு நன்றி கூறிக்கொண்டு... கூகுளின் சேவையை மேலும் செம்மை படுத்திய பல மூளை கார பயபுல்லைகளுக்கும் இது மூலம் நன்றி தெருவித்து கொள்வதோடு அப்பீட்டு ஆகிகொல்வது உங்கள் அன்புத்தோழன்...

HAPPY GOOGLING....

Tin Tin Ti Din.... :-)

பன்றி ரத்தம் = பில்ட்டர் (filter) சிகரட்!?!?!

பில்டர் (filter) சிகரெட்டில் உள்ள வடிகட்டும் பகுதியில் பன்றி ரத்தத்தில் உள்ள ஹீமோகுளோபினை கம்பெனிகள் பயன்படுத்தக்கூடும் என்று ஆஸ்திரேலிய நிபுணர் தெரிவித்துள்ளார்.

ஆஸ்திரேலியாவின் சிட்னி பல்கலைக்கழக பொது சுகாதாரத் துறை பேராசிரியர் சைமன் சாப்மேன். பன்றியின் ரத்தம் பயன்படும் பொருட்கள் குறித்து அவர் விரிவான ஆய்வு நடத்தினார். அதில் பல்வேறு வகையான 185 தொழில்களில் பன்றியின் ரத்தம் பயன்படுத்தப்படுவது தெரிய வந்தது.

பில்டர்(filter) சிகரெட்டில் உள்ள வடிகட்டும் (filter) பகுதியில் புகையிலை துகள்களை பஞ்சு வழியாக எளிதாக வடிகட்ட பன்றி ரத்தத்தில் உள்ள ஹீமோகுளோபின் பயன்படுத்தப்படக் கூடும் என்று சைமன் கருத்து தெரிவித்துள்ளார்.

சிகரெட் தயாரிக்க பயன்படுத்தப்பட்ட பொருட்கள் பட்டியலை நிறுவனங்கள் வெளியிடுவதில்லை. சில நிறுவனங்கள் இணைய தளத்தில் வெளியிட்டாலும், ‘பதப்படுத்தும் பொருட்கள்’ என சிலவற்றை பெயர் குறிப்பிடாமல் அறிவிக்கின்றன.

கிரீஸ் நாட்டின் ஒரு நிறுவனம் பன்றி ரத்தத்தின் ஹீமோகுளோபினை பில்டர்(filter) சிகரெட்டில் பயன்படுத்துவது தெரியவந்துள்ளது.

Source: தினகரன்

இஸ்லாமிய சகோதரர்களுக்கு...

பன்றி இறைச்சியை இறைவன் எவ்வாறு தடை (ஹராம்) செய்துள்ளானோ அது போல் பன்றி ரத்தத்தினால் செய்யப்பட்ட பில்ட்டர் சிகரட்டுக்களும் கூடாது தானே... பன்றியை விடுங்கள்... புகைப்பது உங்கள் உடல் நலத்திற்கு கேடு விளைவிப்பதோடல்லாமல் உங்களை சுற்றி உள்ள அனைவரையும் அதுவும் உங்களை விட பன்மடங்கு அதிகம் பாதிப்பை உண்டாக்கும் என்கிறார்கள்... இந்த வெள்ளை விஷம் உங்களுக்கு தேவையா... உங்கள் உடலுக்கு செய்ய வேண்டிய கடமையை சரிவர செய்யா விட்டாலும் சரி..... அதற்க்கு தீங்கு விளைவித்தமைக்கு படைத்தவனிடம் என்ன பதில் கூறப்போகிறீர்கள்.... சிறப்பான உடலை உனக்கு தந்தேனே... இப்படி சல்லடையாகிப்போன நுரை ஈரலுடனும், புற்று நோயுடனும் கொண்டு வந்திருக்கிறாயே என்று உங்களிடம் கேட்கப்படும்போது என்ன சொல்வீர்கள்....

சொந்தங்களே.... வாழ்வின் 7 நிமிடத்தை புகையாக்கி விட்டு கொண்டிருக்கும் நாம் எத்தனை ஏழு நிமிடங்களை துளைத்துள்ளோம் என சற்று சிந்தித்து பாருங்கள்... அதில் ஒரு நிமிடத்தை இவ்வுலகில் உள்ள சர்வ பலம் பொருந்திய அத்துணை பேரும் சேர்ந்து முயற்சித்தாலும் மீட்டு தர முடியுமா? இதெற்கெல்லாம் பதில் சொல்ல போகும் நாள் வெகு தொலைவில் இல்லை என்பதை உணருமா உள்ளம்...???

நீங்கள் கரியாக்கும் காசு ஒரு ஏழை குழந்தையின் பசியை ஆற்றக்கூடும்..... ஒரு வேலை உணவுக்கு நாயாக உழைக்கும் எத்துனை எத்துனை மக்களை கடந்து செல்கிறீர்கள்.... உங்களின் வாயிலிருந்து ஊதப்படம் புகை அவர்களின் வயிற்று பசிக்கு உணவு....

புகைக்காமல் எவரும் உயிரை விட்டதாக சரித்திரம் இல்லை.... பசியால் நொடிக்கு நொடி உலகெங்கிலும் மரணங்கள் நிகழ்ந்த வண்ணமே இருப்பதை அறிந்தும் புகைத்துக்கொண்டே அடுத்ததை எடுத்து பற்றவைத்து புகைக்கும் அரக்க குணம் எங்கிருந்து வந்தது...???

என்னை எந்த விதத்திலும் இப்பதிவை இட தயார் படுத்தி கொள்ளாத காரணத்தினால்... அதிர்ச்சி தரும் பல புள்ளி விவரங்களை என்னால் சேகரித்து இங்கு தர இயலவில்லை என்பது வருத்தமே... விருப்பம் உள்ள நம் பதிவர்கள் யாராகிலும் இதை பற்றிய இன்னும் பல தகவல்களுடன் தொடரலாமே....

கடைசியாக ஒரு படத்துடன் இப்பாடத்தை முடிக்கிறேன்.....

ORIGINAL தூக்க மாத்திரை PLS?????

எனக்கு இப்போ வரும் கோவத்துக்கு தூக்க மாத்திரைய சாப்புட்டு கொஞ்ச நேரமாவது நிம்மதியா எல்லா எழவையும் மறந்துட்டு தூங்கனும் போல இருக்குங்க.... அது கூட எந்த கடைல வாங்கினா ஒரிஜினலா மாத்திரை கிடைக்கும்னு தெரிஞ்சவங்க யாராவது சொல்லுங்கப்பா..... :-(((

ஏன் இந்த கொல வெறின்னு புருவத்த தூக்கிட்டு கேட்குற எல்லாருக்கும் ஒன்னு சொல்லிக்குறேன்... உங்களுக்கும் இந்த உண்மைகளெல்லாம் தெரிஞ்சப்புரம்... எட்றா அருவாள... கட்டுறா வண்டியனு சொல்வீங்க... இல்ல என்ன மாதுரி புலம்புவீங்க...ஏனா நாம எல்லாம் அநியாயத்தை பாத்து பொங்கி எழும் சூடான சேம் ப்ளட்டு...

போன பதிவுல இயற்கையின் அருட்கொடைகள் பல பிரச்சனைக்கு தீர்வா இருக்குனு முடிவுரை சொல்லி என்னோட பதிவ முடிச்சேன்... அதுக்கப்புறம் இப்போ நான் கண்ட காட்சிகள் அதிர்ச்சி தரும் பல தகல்வல்கள பாத்து மனசு பத பதைக்க உங்க கிட்ட மறுபடி ஓடோடி வந்துருக்கேன் காரணம் பாலு விஷமாகுதாம், பயிறு விஷமாகுதாம், விளைச்சல் நிலம் மலடாகுதாம்,அப்புடியே விளைவிச்சாலும் அத சாப்பிடும் மனித இனம் மலடாகுதாம் இப்புடி எதை எடுத்தாலும் விஷம்னா என்னத்த தான் துன்னுறது....

இந்த பதிவும் வழக்கம் போல நம்ம இயற்கைய பத்தி அமைந்தது எதேச்சையாக தான்.... இப்புடியே போய்ட்டு இருந்தா நானும் இயற்கை ஆர்வலராகி அப்புறம் தீவிரவாதியா ஆய்டுவேணு நினைக்கிறேன்.... தீவிரவாதினா இயற்கைய வளங்களை காக்கும் பணியில் தீவிர வாதிப்பா எக்குத்தப்பா புரிஞ்சுகிட்டு என்கவுண்டர் வர இழுத்து விட்டுறாதீங்க பங்காளிங்களா.... எதுவா இருந்தாலும் பேசி தீத்துக்கலாம்...

நம் முன்னோர்கள் இயற்கையோட ஒன்றிய வாழ்கை நெறியை கடைபுடிச்சதாலும்... இயற்கை வளங்களுக்கு பாதிப்பில்லாத அழகான வாழ்கை முறையை அமைத்து கொண்டதாலும் ரொம்ப காலம் ஆரோகியமா வாழ்ந்தாங்க.... ஆனா அதுலாம் இப்போ STD(history) ஆகிபோச்சு.... வளரும் நம் குழந்தைங்க கிட்ட உங்க பாட்டி 100 வருஷம் வாழ்ந்தாங்கனு சொன்னா இதென்ன சக்திமான் பார்ட் 10 ஆனு கேப்பாங்க போல...


அப்போ இருந்த விளை நிலங்கள் இப்போ நாம வசிக்கும் அடுக்கு மாடிகுடியிருப்புகளாகி... அப்போ இருந்த நிதான உலகம் இப்போ அவசர உலகமாக மாறிப்போய்.... instant நூடுல்ஸ் மாதுரி இப்போ instant அரிசி கண்டு புடிக்கும் அளவுக்கு இழுத்துகிட்டு வந்துருக்கு.... அட ஆமாங்க இனிமே சோறு உன்ன அடுப்பே தேவை இல்லையாம்.... தண்ணில அரிசிய போட்டா சோறு ரெடி... (அப்போ ஆனம்னு (குழம்புன்னு) ஆர்வமா கேக்கும் மக்களுக்கு... கடைல வாங்கிக்கொள்ளவாம்... எப்புடி எல்லாம் சோம்பேரியாக்குரானுகப்பா ....)


போற போக்க பாத்தா பத்து மாசம் சுமந்து பெற்றெடுக்கும் குழந்தை செல்வங்களை கூட instantaa பெத்துபாங்க போல... இப்போவும் instant குழந்தைங்க பொறக்குது அது instant messengerla.... நிஜத்தில் பெற்றடுக்கும் காலம் ரொம்ப தொலைவில்இல்லைங்குறது வேதனையான விபரீதம்... இப்புடி வேகம் வேகம்னு எல்லாத்துலையும் வேகத்த கூட்டி கடைசில என்னாச்சு தெரியுமா.... இதுக்கு மேலநான் பேசினா சரியா வராது.... நீங்களே பாத்து நொந்துக்கோங்க....













நிலைமை இப்புடி இருந்தா வருங்காலத்துல formality க்கு கூட first night ல பால் வைக்க மாட்டாங்க போல.... ஹ்ம்ம்... ஏன் கவலை எனக்கு :-(((.... என்னத்தசொல்ல...

Videos Courtesy: Techsatish.net